Ağadadaş Ağayevin yaraladığı qadın kimdir? - DİN-dən təcili məlumat

Xalq artisti Ağadadaş Ağayevin yaranmış mübahisə zamanı qarşıdakı şəxsə balta ilə xəsarət yetirdiyi ilə bağlı məlumat yayılıb.

Hadisə Binəqədi rayonu ərazisində qeydə alınıb. Daxili İşlər Nazirliyi məlumatı təsdiq edib.

Bildirilib ki, iyulun 22-də Bakı şəhər sakini olan Cəlilov ərizə ilə polisə müraciət edərək gözətçi işlədiyi özəl tibb müəssisələrindən birində olan zaman Ağadadaş Ağayevin xuliqanlıq zəminində onu söyərək təhqir etdiyini, əlindəki balta ilə onu hədələdiyini bildirib.

Cəlilov daha sonra izahatında Ağadadaş Ağayevin baltanı ona tərəf atan zaman orada çalışan Paşayeva adlı şəxsin ayaq nahiyəsinə dəydiyini və xəsarət aldığını qeyd edib.

Faktla bağlı araşdırmalara başlanılıb.