Arzuları reallaşan Xıdırlı sakinləri | "Şükür edirəm ki, öz torpağımdayam" - Baku TV
“Şükür edirəm ki, öz torpağımdayam. Bundan sonra dünyamı dəyişsəm də, dərdim olmaz”.
Bu sözləri Baku TV-yə 32 il sonra öz doğma yurduna – Ağdam rayonunun Xıdırlı kəndinə qayıdan Həsən Balakişiyev deyib.
O bildirib ki, 39 yaşında övladları ilə birlikdə doğma torpağı tərk etmək məcburiyyətində qalıb: “Biz bu torpaqlara bağlıyıq, burada doğulmuşuq. Böyük oğlum da mənimlə qayıtdı, dedi ki, Bakıda qala bilmərəm”.
Digər sakin Rəhilə Qarayeva isə qeyd edib ki, ailəsi ilə birlikdə Xıdırlını 1993-cü ildə tərk edib və uzun illər doğma yurda qayıdış həsrəti ilə yaşayıblar.
“32 il az vaxt deyil. Azərbaycanın içində yaşasaq da, insan üçün doğma yurd qədər əziz yer olmur. Bu günləri böyük həsrətlə gözləmişik. Müəlliməm və hər dəfə sinfə girəndə uşaqlara Azərbaycanı bütöv yox, torpaqlarının 20 faizi işğal altında olan ölkə kimi anlatmaq mənə çox ağır gəlirdi. Bu günü bizə nəsib edən qəhrəman oğullarımıza minnətdarıq. Şəhidlərimizə Allahdan rəhmət diləyirəm, onların ruhu bizim üçün həmişə əzizdir”, – deyə R.Qarayeva vurğulayıb.
#Ağdam teqi istifadə olunub
- Ağdam və Kəlbəcərin yaşayış məntəqələri telekommunikasiya xidmətləri ilə təmin edilib - Baku TV
- "Həyat yoldaşını valideyn seçirdi" | Ağdamlı qadının başına nələr gəlib? - O VAXTLAR
- Dağıdılan şəhərin ayaqda qalan simvolu yenidən dirçəlir - Baku TV
- “Müəllim idim, direktor kimi qayıtdım” | Ağdamın Xıdırlı kəndindəki məktəbdən reportaj - Baku TV
- Qadağan olunmuş əraziyə kim niyə girir? - "Mina yoxdur" dedikləri yerdə dəhşətli partlayış - Baku TV
