Azadlığa buraxılan məhkumun anası danışdı

Prezident İlham Əliyevin mayın 25-də imzaladığı "Məhkum edilmiş bir sıra şəxslərin əfv olunması haqqında" sərəncamı Ədliyyə Nazirliyinin Penitensiar Xidmətinin 10 saylı cəzaçəkmə müəssisəsində icra olunub.

Cəzaçəkmə müəssisəsindən 9 nəfərin adı əfv siyahısına düşüb. Onlardan 3-ü azad olunub, 6-sının isə cəzası azaldılıb.

Azadlığa buraxılan Nurlan Ataşovun anası Lətafət Ataşova oğlunun əfv olunduğunu eşidəndə şoka düşdüyünü və hələ də inana bilmədiyini deyib:

“Mən məhbus analarına böyük sevinc yaşatdığı üçün cənab Prezidentə sonsuz təşəkkürümü bildirirəm”.