Azərbaycanda Novruz bayramı ilə əlaqədar 12 günlük tətil başladı

Bu gün – martın 20-si Azərbaycanda Novruz bayramı qeyd edilir.

Təbiətin, həyatın oyanması Novruzdan başlanır. Azərbaycan xalqı bunu təntənəli, həm də yeni ilin, yeni günün – Novruzun gəlişinə azı dörd həftə əvvəldən qeyd etməyə başlayır.

Belə ki, hər həftənin ikinci günləri Su, Od, Yel və Torpaq çərşənbələri qeyd olunur. Xalq inamına əsasən birinci çərşənbə günü su və su mənbələri təzələnir, hərəkətə gəlir, ikinci çərşənbədə od, üçüncü çərşənbədə yel, nəhayət dördüncü Torpaq çərşənbəsində təbiət oyanır və bu baharın gəlməsindən xəbər verir.

Ənənəyə görə bayramın ilk günü hamı evdə olmalıdır. Xalq arasında deyirlər: “əgər bayram günü evdə olmasan, yeddi il evdə olmayacaqsan”.

Qeyd edək ki, UNESCO Novruz bayramını 2009-cu il sentyabrın 30-da qeyri-maddi mədəni irs siyahısına daxil edib. Bu il Novruz və Ramazan bayramları ilə əlaqədar martın 20-dən başlayaraq ölkədə ardıcıl 12 qeyri-iş günü olacaq.