Pleyeri seçin:
Azərbaycanın ən yaşlı kişisinin əməliyyatdan sonrakı vəziyyəti necədir?
Bakıda 110 yaşlı kişi əməliyyat olunub. Tibb Universitetinin Tədris Cərrahiyyə Klinikasında 110 yaşlı Hilal İbrahimovda artroplastika əməliyyatı uğurla icra edilib.
Klinikanın Travmatologiya və ortopediya kafedrasının müdiri, dosent Cəfər Nəsirlinin verdiyi məlumata görə, xəstə yıxıldıqdan sonra onda sol bud sümüyünün boyun sınığı yaranıb və müayinə nəticəsində xəstədə artroplastika əməliyyatının aparılması üçün qərar verilib.
“Bizə müraciət edən zaman yerindən qalxa bilməyən, güclü ağrıları olan xəstəmiz əməliyyatdan sonra artıq yeriməyə başlayıb. 110 yaşlı pasiyent Hilal İbrahimov əməliyyatdan sonra özünü yaxşı hiss edib və bir neçə gün həkim nəzarətində qaldıqdan sonra evə buraxılıb”, – deyə Cəfər Nəsirli bildirib.
Qeyd edək ki, 110 yaşlı Hilal İbrahimov ölkənin ən yaşlı kişisidir.
Kopyalandı
#Hilal İbrahimov teqi istifadə olunub
Seçilmişlər
