Bakı sakinləri yeni xəstəliyi koronavirusla əlaqaləndirir

Son zamanlar insanlar arasında baş ağrısı, öskürək və qızdırma ilə müşayiət olunan xəstəliyin yayılması ilə bağlı məlumatlar var. Xəstəliyin simptomlarının koronavirusa oxşadığı bildirilir.

Mütəxəssislər yayılan virusun “omikron”un yeni ştamı olmasını istisna etmirlər.

Tibbi ekspert Adil Qeybulla bildirib ki, “omikron”un mutasiya ştamları davam edir: “Pandemiyanın bitməsinə baxmayaraq, infeksiya hələ aradan qalxmayıb. Bu günlərdə Böyük Britaniyada xeyli yoluxma halları qeydə alınır. Azərbaycanda da yayılan virus, çox güman ki, “omikron”un ştamına bağlıdır”.

Məsələ ilə bağlı TƏBİB-dən isə bildirilib ki, hazırda yayılan xəstəlik mövsümi qripdir.