Bakıda 150-dən çox avtobus sürücüsü saxlanılıb

Dövlət Yol Polisi nasaz, həmçinin texniki baxışa təqdim edilməyən avtobuslara qarşı tədbirlərə başlayıb.

Daxili İşlər Nazirliyindən verilən məlumata görə, son bir neçə texniki baxışdan yayınmaq üçün dövlət qeydiyyat nişanlarına müdaxilə edən, habelə digər üsullara əl atan 150-dən artıq avtobus və mikroavtobus sürücüsü saxlanılıb. Onların barəsində qanunauyğun tədbirlər görülüb.

Avtobuslardan 100-dən çoxunun dövlət nömrə nişanının dəyişdirilməsi, nasazlıqların aradan qaldırılması və texniki baxışdan keçirilməsi təmin edilib. Sərnişindaşıma şirkətləri qarşısında nəqliyyat vasitələrinin dövlət nişanlarının bərpa edilməsi tələbi qoyulub.