Bakıda "Prize-Giving" mərasimi və FIA Baş Assambleyalarının iclasları keçiriləcək

Bakıda Beynəlxalq Avtomobil Federasiyasının Baş Assambleyalarının iclasları və avtomobil idmanı sahəsində ən gözlənilən tədbirlərdən biri olan “FIA Prize-Giving Ceremony” mükafatlandırma mərasimi keçiriləcək.

Tədbir dekabrın 5-8-i aralığında baş tutacaq.

Qeyd edək ki, Beynəlxalq Avtomobil Federasiyasının Baş Assambleyası ilə yanaşı, Beynəlxalq Turizm Alyansının Baş Assambleyalarının iclasları da təşkil olunacaq. Dekabrın 8-də isə Heydər Əliyev Mərkəzində Beynəlxalq Avtomobil Federasiyasının Baş Assambleyasının yekun iclası, Bakı Konqres Mərkəzində Mükakatlandırma mərasimi keçiriləcək.

Paytaxtımızın bu mötəbər tədbirə ev sahibliyi ilə bağlı qərar ötən ilin dekabrında Beynəlxalq Avtomobil Federasiyasının Baş Assambleyasının İtaliyanın Bolonya şəhərindəki iclasında qəbul olunub.