“Baku TV” Şuşalı ailənin evində qonağ oldu | Şuşa sakinləri danışdı

Vətən müharibəsindəki qələbədən sonra Azərbaycan xalqı Novruzu artıq dördüncü ildir ki, zəfər sevinci ilə qeyd edir.

Novruz tonqalları artıq işğaldan azad edilən ərazilərdə də alovlanır.

Baku TV-nin əməkdaşı bayram axşamında Şuşada, elə şuşalı ailənin qonağı olub, bayramı onlarla birlikdə keçirib.

“Şuşadan ayrılanda mənim doqquz yaşım var idi, zaman keçdikcə vətənsizliyin ağrı-acısını hiss etməyə başladıq. Çox şükür ki, bu gün Şuşada, ata yurdumuzda bayramı qeyd edirik. Qeyri-adi hisslərdir, sözlə ifadə etmək mümkün deyil”, – Şuşa sakini Hüseyn Həsənov deyib.