Baş Prokurorluq Gömrük Komitəsində əməliyyat keçirir

Baş Prokuror yanında Korrupsiyaya qarşı Mübarizə Baş İdarəsi Dövlət Gömrük Komitəsinin Aksizli Mallar İdarəsində əməliyyat keçirib.

Oxu.Az-ın məlumatına görə, əməliyyat ötən gün başlayıb, bu gün də davam etdirilib. Əməliyyat zamanı maliyyə işçiləri arasında 7 nəfərin saxlanıldığı, 5 nəfərin isə izahatının alındığı bildirilir. Saxlanılanlardan biri idarənin inspektoru Şahin İsgəndərovdur.

Baş Prokurorluğun Mətbuat Xidmətindən Dövlət Gömrük Komitəsində əməliyyat keçirilməsi faktını təsdiq ediblər. Bildirilib ki, qeyd olunan məsələ ilə bağlı ictimaiyyətə əlavə məlumat veriləcək.