Pleyeri seçin:
Bazar ertəsini insanlara sevdirəcək xəbər | Həftənin bu günündə isə əməliyyat olmayın, çünki...
ABŞ, Kanada və Avropada aparılan araşdırmalar göstərir ki, əməliyyat üçün ən təhlükəsiz gün bazar ertəsidir.
Mütəxəssislər cümə günü edilən əməliyyatlarda fəsad və ölüm riskinin daha yüksək olduğunu bildirirlər. Statistikaya görə, həftənin ilk günü əməliyyat olunanların sağ qalma şansı 5 faiz daha yüksəkdir.
40 mindən çox xəstənin iştirak etdiyi tədqiqat göstərib ki, cümə günü əməliyyat olunanlarda risk 5-6 faiz artır. Yalnız ölüm riski baxımından isə bu göstərici 10 faizə çatır.
İsveç alimlərinin özofagus xərçəngi xəstələri üzərində apardığı araşdırmalar da bu nəticəni təsdiqləyib. Almaniyada dəqiq rəqəmlər olmasa da, mütəxəssislər həftəsonu kadr çatışmazlığı və iş yükünün artmasının səhiyyə xidmətlərinin keyfiyyətinə təsir etdiyini bildirirlər. Bu səbəbdən əməliyyat üçün həftənin ilk günləri daha təhlükəsiz hesab olunur.
Kopyalandı
Seçilmişlər
