Binəqədidə kanalizasiya quyuları daşdı | Küçələr keçilməz oldu - Baku TV

Rəsulzadə qəsəbəsi, Azadlıq prospekti, 197 ünvanında artıq bir müddətdir ki, kanalizasiya quyuları daşır.

Sakinlərin sözlərinə görə, xüsusilə yağışlı havalarda vəziyyət daha da ağırlaşır, ərazi keçilməz hala düşür. Nəticədə, ətrafı kəskin üfunət iyi bürüyür və burada qalmaq mümkün olmur. Məsələ ilə bağlı dəfələrlə aidiyyəti qurumlara müraciət edilsə də, problem hələ də həllini tapmayıb.

“Demək olar ki, hər gün qaynar xəttə zəng edirik. “Rəhbərliyə məlumat verilib, əməkdaşlar göndəriləcək” deyirlər. Amma nə gələn var, nə də problemin həlli ilə bağlı addım atan. Artıq on beş gündür bu vəziyyətdəyik. Pəncərəni aça bilmirik, qoxudan boğuluruq. Yağış yağanda isə buradan keçmək mümkünsüz olur”, – deyə sakinlərdən biri bildirib.

Məsələ ilə bağlı İri Şəhərlərin Birləşmiş Su Təchizatı Xidmətindən isə qeyd edilib ki, sözügedən ünvanda bir neçə gün əvvəl kanalizasiya xəttində tutulma baş verib:

“Sukanal İdarəsinin əməkdaşları tərəfindən xətdəki tutulma açılıb. Problem öz həllini tapıb”.