“Bu şəhərdə”nin Qurban Qurbanov parodiyası qalmaqal yaratdı | Prodüserdən sərt cavab

"Bu şəhərdə" komandasının Heydər Əliyev Sarayında baş tutan "Ev Dar" adlı konsertində "Qarabağ"ın baş məşqçisi Qurban Qurbanovla bağlı səhnə sosial şəbəkələrdə müzakirələrə səbəb olub və birmənalı qarşılanmayıb.

"Bu şəhərdə" komandasının prodüseri Müşfiq Abbasov "Teleqraf"a açıqlamasında məsələyə münasibət bildirib:

"Bu, Qurban Qurbanovla bağlı səhnəni tənqid edənlərin öz problemidir. İndiyə qədər verdiyimiz 400-ə yaxın konsertdə Aygün Kazımovanı beş dəfə, Röya Ayxanı bir neçə dəfə parodiya etmişik. Başqa məşhurları yalnız bir dəfə parodiya edirik. Öncə Qurban Qurbanovun səhnəsinə tam baxıb, sonra fikir bildirsinlər.

İcazə verilmədiyi halda çəkiliş edib paylaşmaqla bizim haqqımıza giriblər. Ümumi konsertin tam versiyası hazır olandan sonra onu Qurban Qurbanova göstərmək və sual ünvanlamaq lazımdır ki, necədir? Xoşuna gələ də bilər, gəlməyə də. Bizi boşuna tənqid edirlər, boş söhbətlərdir".