Bu, xudatlıların çoxdankı arzusu idi | Xaçmazda genişmiqyaslı abadlıq işləri aparılır

Xaçmazda genişmiqyaslı tikinti-quruculuq və abadlıq işləri davam etdirilir.

Son illər Xudatda həyata keçirilən işlər şəhərin simasını tamamilə dəyişib. Ötən il 26 küçəyə asfalt salınıb, yeni işıqlandırma sistemləri quraşdırılıb.

Hazırda Xudatın küçə və prospektlərində səkilərə tamet döşənir, mərkəzi küçələrdə velosiped zolaqları salınır.

Şəhər sakininin sözlərinə görə, Xudatda mərkəzi küçədə velosiped zolağının salınması xudatlıların çoxdankı arzusu idi:

“İnanırıq ki, bundan sonra da Xudat şəhərində belə geniş abadlıq işləri davam etdiriləcək”.

Rayonda “Yaşıl dünya naminə həmrəylik ili” çərçivəsində bir sıra tədbirlər həyata keçirilir, magistral yolların kənarına, park və xiyabanlara xeyli sayda ağac və gül kolları əkilir.

Qeyd edək ki, infrastruktur layihələrinin icrası ardıcıl şəkildə davam etdiriləcək.