Bunlara görə uşağa yardım edə bilmədilər! - Qanunsuz şlaqbaumlar sakinləri təngə gətirdi

Paytaxt ərazisində məhəllələrin və yaşayış binalarının qarşısında şlaqbaumların quraşdırılması halları artıb.

Sakinlərin şəxsi təşəbbüsü və vəsaitləri hesabına quraşdırılan şlaqbaumlar kənar nəqliyyat vasitələrinin əraziyə giriş-çıxışına mane olmaq məqsədi daşıyır.

Məsələ burasındadır ki, bu şlaqbaumların bir çoxunda idarəetmə pultu sakinlərin özlərində olur. Ona görə də əraziyə girmək istəyən şəxsin ya idarəetmə pultu olmalı, ya da saatlarla kiminsə yaxınlaşıb şlaqbaumu açmasını gözləməlidir.

“Bir neçə il əvvəl nəvəm qaynar suyu üzünə aşırmışdı. Çağırdığımız təcili yardım vaxtında gəldi, amma həyətə girə bilmədi”, – deyə sakin narazılıq bildirib.

“Bir məhəllədə məmur yaşayırsa, oraya şlaqbaum quraşdırıb, mühafizəçi qoyur, o da öz kefində olur. Biz də gəlib həyətə girə bilmirik”, – başqa bir sakin deyib.