“Dedi ki, vaxt olmayacaq...” | Yasamaldakı yanğında ölən Könül Vəlibəylinin rəfiqəsi ilə son söhbəti

Noyabrın 21-də Yasamaldakı yaşayış binasında baş verən yanğın nəticəsində həyatını itirənlərdən biri də Bakı Milli Geyim Evinin rəhbəri Könül Vəlibəylidir.

Mərhumun yaxın rəfiqəsi, jurnalist Xəyalə Rəis Baku TV-yə açıqlamasında bildirib ki, hadisə barədə ilkin məlumatı Könül Vəlibəylinin bacısından alıb:

“Dünən axşam saatlarında rəfiqəmin bacısı mənə zəng edib “Könülün yaşadığı binada yanğın baş verib. Nə ondan, nə də qızı Ləmandan xəbər var” dedi. Sonra Könülü axtarmağa başladıq. Xəbərlərdə üç nəfərin öldüyü haqda məlumat verilmişdi. Morqa gedib orada Könülü görəndə həyatımızın ən böyük şokunu yaşadıq. Onu bu cür yola salmaq heç ağlımdan keçməzdi”.

Qeyd edək ki, Könül Vəlibəylinin qızı Ləman Qulamova da tüstüdən zəhərlənib. Kliniki Tibbi Mərkəzin Toksikologiya şöbəsində müalicəsi davam etdirilir. Vəziyyəti orta-ağır qiymətləndirilir.