Doğuşa tələsən qadına DYP-dən yardım

Sumqayıtda xidmət aparan yol polisləri hamilə qadına yardım edib. Yolda vəziyyəti ağırlaşan hamilə qadın xəstəxanaya çatdırılıb.

Belə ki, Sumqayıt Şəhər Polis İdarəsinin Dövlət Yol Polisi şöbəsinin əməkdaşları Şamil Aslanov və Kənan Əliyev şəhərin Sahil küçəsində xidmətdə olarkən avtomobillərdən biri onlara yaxınlaşıb. Avtomobildə hamilə qadının vəziyyətinin ağırlaşdığının şahidi olublar. Onlar dərhal həmin qadını yaxınlıqda olan doğum evinə çatdırıblar.

Məlumata görə, qadın artıq xəstəxanada doğuş həyata keçirib.