Dövlət Gömrük Komitəsində müəmma bitmir
Dövlət Gömrük Komitəsi İdman-Sağlamlıq Mərkəzinin baş direktoru Xəzər İsayevin vəzifəsindən kənarlaşdırılması ilə bağlı mediada xəbər yayılıb. Polkovnik Xəzər İsayevin məzuniyyətə göndərildiyi deyilir.
Məlumata görə, Xəzər İsayevlə DGK-nın sabiq sədri Səfər Mehdiyev arasında ciddi mübahisə olub. Mübahisənin isə İdman-Sağlamlıq Mərkəzində aparılan audit yoxlaması zamanı aşkarlanmış ciddi maliyyə pozuntularından qaynaqlandığı bildirilir.
Qeyd edilir ki, yoxlamalar nəticəsində 500 min manatdan artıq vəsait yoxa çıxıb. Bundan sonra Səfər Mehdiyev Xəzər İsayevi vəzifəsinin icrasından uzaqlaşdırsa da, rəsmi olaraq baş direktor vəzifəsindən kənarlaşdırmayıb.
Son aylar gömrük orqanlarında aparılan yoxlamalar İdman-Sağlamlıq Mərkəzindən də yan keçməyib. Nəticədə polkovnik Xəzər İsayev yenə də öz hesabına məzuniyyətə göndərilib. Onun vəzifəsində qalıb-qalmayacağı bəlli deyil.
Hazırda qurumun baş direktoru vəzifəsini müvəqqəti olaraq Adıgözəl Rəcəbov icra edir. DGK-nın mətbuat xidmətinin rəhbəri Natiq Axundov isə Xəzər İsayevin işdən çıxarılması ilə bağlı məlumatı təkzib edir.
#Dövlət Gömrük Komitəsi teqi istifadə olunub
- İranla Azərbaycan sərhədindəki məhdudiyyət tam aradan qaldırılıb - Baku TV
- "SOCAR Polymer"in zavodunun illik istehsal gücü nə qədərdir? - Baku TV
- İxrac olunan neft koksunun dəyəri nə qədərdir? | Detallar açıqlandı - Baku TV
- “Çox gözlədim, dedilər ki, qaytarılıb, amma...” - Karqo şirkəti bağlamanı təhvil vermir - Baku TV
- Dövlət Gömrük Komitəsi əməliyyat keçirdi | Gizlədilən qablaşdırmalar ortaya çıxdı - Baku TV
