Emin Əmrullayevdən təhsildəki nöqsanlarla bağlı etiraf

“25-30 il əvvəl diplom vermək və işəgötürmə praktikamız səhv olub”.

Bunu elm və təhsil naziri Emin Əmrullayev "Sertifikatlaşdırma: peşəkar müəllim-keyfiyyətli təhsil" adlı tədbirdə respublika üzrə sertifikasiya imtahanında yüksək nəticə göstərən müəllimlərlə görüşündə çıxışı zamanı deyib.

Təhsildəki nöqsanlardan danışan nazir qeyd edib: “Bu səhvlərin nəticəsini uzun illərdir yaşayırıq. Burada oturan insanların hər biri heç olmasa bir saxta diplom almış birini tanıyır. Lakin həmin adamlara münasibət "Nəyimə lazımdır?" şəklində olub. Amma həmin adam saxta yolla məktəbə düzəlib uşaqlarımıza dərs deyəndə belə demək uyğun vətəndaş mövqeyi deyil”.