Erməni etiraf etdi ki, qələbə sizin olacaq - QƏRBİ AZƏRBAYCAN XRONİKASI
"Qərbi Azərbaycan Xronikası" layihəsi çərçivəsində jurnalist Əsgər İbrahimovun müəllifi olduğu “Həyat Hekayəsi” verilişinin növbəti buraxılışı efirə gedib.
“Erməni etiraf etdi ki, qələbə sizin olacaq” adlı veriliş Qərbi Azərbaycandan deportasiya edilmiş, Göyçə mahalının Basarkeçər (Vardenis) rayonunun Zərkənd sakini, 1941-ci il təvəllüdlü Xanəli Nəbiyevin həyat hekayəsinə həsr olunub.
O, uşaqlıq və gənclik illərindən, orada başına gələn çətinliklərdən, 1988-ci ildə deportasiya zamanı doğulub boya-başa çatdığı kəndə daxil olan rus hərbçilərdən söz açıb: “O vaxt kəndə rus hərbçiləri doldurdular. Hərbçilər bizi ermənilərdən müdafiə edirdilər. Hərbçilər deyirdilər ki, məcbur çıxın. Biz məcburən çıxırdıq. Sobamız yanılı, stolumuzun üstü bəzəkli, qazanda xörəyimiz qaldı. Biz heç bir şey istifadə edə bilmirdik. 1988-ci ilin dekabrında qarlı-qadalı günlərdə biz gəlib Azərbaycanda məskunlaşdıq. Hərə bir tərəfdə qohum-əqrabanı itirdik”.
![icon](/images/loading.png)