Ermənistan yeni təxribata hazırlaşır

“Qarabağdakı erməni separatçıları yaxın günlərdə Rusiya sülhməramlılarının təlim mərkəzinin qarşısında aksiya keçirəcək. Etiraz aksiyasının əsas tələbi sülhməramlıların komandanı general Andrey Volkovun istefası olacaq”.

Bu barədə Ermənistanın "Hraparak" nəşri yazıb. Bildirilib ki, son vaxtlar Qarabağ erməniləri arasında anti-Rusiya əhval-ruhiyyəsi yüksəlir. Buna səbəb isə Xankəndi ətrafında baş verən hadisələrə guya rus sülhməramlılarının müdaxilə etməməsi göstərilir.

Qeyd olunub ki, separatçı Tiqran Petrosyan Ermənistan rəhbərliyinə müraciət ünvanlayaraq silah göndərilməsini tələb edib.

Nəşrin verdiyi digər məlumata görə, Rusiya sülhməramlı qüvvələrinin müvəqqəti nəzarətində olan ərazilərdə separatçı rejim sakinlərə silah paylamağa hazırlaşır. İddia olunub ki, hər kəsə silah veriləcək və silahdan istifadə edə bilməyənlər üçün təlim keçiriləcək. Eyni zamanda separatçılar özünümüdafiə dəstələri yaratmağı da planlaşdırır.

Yazıdan da görünür ki, erməni separatçıları Azərbaycan Ordusuna qarşı yeni təxribatlara hazırlaşır.