Ətdən imtina etmədən ətraf mühiti necə qorumaq olar?

Tulane Universitetində aparılan bir araşdırma populyar altı pəhrizin karbon izlərini müqayisə edərək qidalanma sisteminin iqlimə təsirini hərtərəfli şəkildə qiymətləndirib.

Bu tədqiqat həm ətraf mühitə təsir, həm də pəhrizlərin qida keyfiyyətini diqqət mərkəzinə çəkib.

Məlum olub ki, qida istehsalı, xüsusilə mal əti istixana qazı emissiyalarının təxminən üçdəbirinə səbəb olur.

Araşdırma nəticələrinə görə, veqan pəhriz ətraf mühitə ən az təsir göstərən pəhrizdir. Ən yüksək karbon izinə malik keto pəhriz 3 kiloqram karbon dioksid istehsal edir. Paleo pəhrizi isə yüksək karbon izi və aşağı qida keyfiyyəti ilə keto pəhrizini izləyib.

Araşdırma nəticələrində göstərilib ki, vegetarian və peskatarian pəhrizlər ətraf mühitə ən az təsir edən qidalanma tərzlərindəndir. Ət və bitki əsaslı qidaları birləşdirən hərtərəfli pəhrizlər isə orta nəticə göstərib.

Maraqlı bir nəticə ondan ibarətdir ki, əhalinin yalnız üçdəbiri vegetarian pəhrizə keçərsə, bu, gündə 340 milyon avtomobil kilometrinə bərabər karbon emissiyasının azaldılmasına səbəb ola bilər.

Araşdırma müəllifləri qeyd ediblər ki, ətdən tamamilə imtina etmədən də həm sağlamlığı, həm də karbon izini yaxşılaşdırmaq mümkündür.