Ev alarkən mütləq bunlara fikir verin! | Dələduzlar buna da əl atdı

Bəzən mənzil satışı saytlarında yerləşdirilən elanlarda spekulyativ addımlar müşahidə olunur.

Əmlak məsələləri üzrə ekspertlərin sözlərinə görə, tələbatın çox olması üçün mənzilin ümumi sahəsi və otaq sayı haqda vətəndaşlara yanlış məlumat verilir. Bu hal daha çox yeni tikililərdə müşahidə olunur.

Əmlak eksperti Elnur Fərzəliyev bildirib ki, yeni tikilən binalarda mənzillərin ümumi sahəsi geniş olduğuna görə vətəndaşlar təmir zamanı daxili dəyişiklik hesabına əlavə otaqlar yaradırlar və daha sonra həmin mənzilləri çoxotaqlı kimi satışa yerləşdirirlər:

“Köhnə tikili binalar gələcəkdə sökülərsə, onlarda daxili dəyişiklik hesabına otaq artırılması nəzərə alınmır. Çıxarış üzərində yazılan otaq sayına uyğun vətəndaşlara yeni tikili binalardan mənzil verilir. Bu səbəbdən vətəndaşlar mənzil alarkən mütləq şəkildə çıxarışla tanış olmalıdırlar”.

Ekspertlərin sözlərinə görə, bəzən dələduzlar alıcılardan əvvəlcədən beh istəyirlər. Buna görə də hər bir müştəri real vəziyyətlə tanış olmadan ödəniş etməməlidir.