Gənc qalmağın sirri ortaya çıxdı? | Alimlərdən inanılmaz kəşf

“Weill Cornell” Tibb Kollecinin (ABŞ) alimləri hüceyrə qocalması sahəsində kəşf edərək insan orqanizminin hüceyrələrində "ölüm taymeri" tapıblar.

Belə ki, gəncliyin sirri hüceyrə nüvəsində sıx bir quruluşun saxlanmasında ola bilər.

Tədqiqatçılar insan hüceyrələrinə bənzəyən maya üzərində təcrübə aparıblar və müəyyən ediblər ki, hüceyrə nüvəsi xromosom və tərkibində ribosom DNT (rDNT) olan nüvəcikdən ibarətdir. rDNT təkrarlanan təbiətinə görə genomun ən kövrək hissələrindən biridir, ona görə də zədələndiyi təqdirdə onu bərpa etmək çətinləşir.

Alimlərin fikrincə, qocalma zamanı belə nüvələr çoxalır və yaşlanma əleyhinə strategiyaların istifadəsi, məsələn, kalorilərin məhdudlaşdırılması onların azalmasına səbəb olur. Böyük nüvələr kiçik olanlarla müqayisədə daha qeyri-sabit rDNT-yə malikdir və belə olanda zülallar içəriyə sızmağa başlayır ki, bu da hüceyrənin həyat dövrünün sonunu yaxınlaşdırır.

Amerikalı tədqiqatçılar gələcəkdə onların ömrünü uzatmaq üçün kök hüceyrələrdəki qocalma prosesinə nüvədə baş verən dəyişikliklərin təsirini öyrənmək qərarına gəliblər. Çünki kök hüceyrələr orqanizmdə ölməkdə olan digər hüceyrələri əvəz edə bilər.