Gizli çatlar təhlükə altındadır? | Ekspertlər istifadəçilərə səsləndi

“Telegram”da yeni dələduzluq metodu yayılıb.

Kiberdələduzlar “Telegram” istifadəçilərinə fişinq linkləri olan mesajlar göndərirlər.

Ekspertlərin sözlərinə görə, hazırda fırıldaqçılar “Telegram”da xüsusi gizli çatlar yaradırlar. Daha sonra hesabın silinməsi ilə bağlı sorğu aldıqlarını deyirlər və çat iştirakçılarından dəstək olmağı xahiş edirlər. Dəstək üçün isə qrupa atılmış linkə daxil olmaq xahiş olunur. Əslində isə keçid fişinq linkidir. Çünki ora daxil olanda loqin və parolunuz qeyd olunur və dələduzlar bu məlumatı ələ keçirirlər.

Nəticədə kontaktların, şəxsi məlumatların, fotoşəkillərin, videoların, audio mesajların siyahısı onların əlinə keçir. Bu səbəbdən ekspertlər ehtiyatlı olmağı və hər qrupa üzvlüyü qəbul etməməyi tövsiyə edirlər. Ən əsası isə çatlardakı linklərə daxil olmaq təhlükəlidir.