Pleyeri seçin:
Göygöldə IV Milli Yaylaq Festivalı keçirildi
Göygöl rayonunda IV Milli Yaylaq Festivalının açılış mərasimi keçirilib.
Mərasimdə gənclər və idman naziri Fərid Qayıbov, Dünya Etnoidman Konfederasiyasının sədri Bilal Ərdoğan və Türkiyənin Azərbaycandakı səfiri Birol Akgünlə yanaşı, digər rəsmilər, eləcə də ölkənin mədəni-ictimai şəxsləri, media mənsubları və başqa qonaqlar iştirak ediblər.
Gənclər və idman naziri Fərid Qayıbov bu cür festivalın keçirilməsinin Azərbaycan üçün böyük uğur olduğunu bildirib.
Rəsmilər və festival iştirakçıları yerli, eləcə də xarici ölkələrdən dəvət olunan etnik musiqi qruplarının ifalarını, yerli kollektivlərin çıxışlarını, milli rəqsləri, xalq mahnılarını izləyiblər. Həmçinin Azərbaycanda yaşayan azsaylı xalqların mədəniyyət nümunələri ilə tanış olublar.
Festival çərçivəsində səhnəciklər, teatral kompozisiyalar, qədim xalq oyunları, sənətkarlıq nümunələri və milli geyim sərgiləri təqdim olunub.
Kopyalandı
Seçilmişlər
