Gün ərzində 3 fincan bu çaydan içsəniz… | Unikal yol açıqlandı

Yaşıl çayın müntəzəm qəbulu yaşlı insanlarda beyində olan ağ maddənin zədələnməsini əhəmiyyətli dərəcədə azalda bilər.

Yaponiyalı alimlərin sözlərinə görə, ağ maddənin əsas funksiyası sinir impulslarını beynin bir hissəsindən digərinə ötürməkdir. O həmçinin beynin müxtəlif bölmələri arasında məlumat mübadiləsi aparır. Bu da insanlara hərəkət etməyə və xarici dünyanı qavramağa imkan verir.

Tədqiqatda 65 yaşdan yuxarı 8000-dən çox könüllü iştirak edib. Onların məlumatları təhlil olunub və ağ maddə zədələnmələrinin, hippokampın və ümumi beyin həcminin miqdarı qiymətləndirilib.

Nəticələr göstərib ki, gündə üç fincan yaşıl çay içənlərdə beyindəki ağ maddənin zədələnməsi daha az olub.

Həmçinin müəyyən edilib ki, gündə təxminən 1,5 litr yaşıl çay içən iştirakçılar bir fincan içənlərlə müqayisədə ağ maddənin bütövlüyündə altı faiz yaxşılaşma nümayiş etdiriblər.

Qeyd edək ki, qəhvə beyin sağlamlığına oxşar təsir göstərməyib, bu isə yaşıl çayın müsbət təsirinin unikallığından xəbər verir.