Güneyli soydaşlarımızın molla rejimi dərdi

“İran Azərbaycanın varlığını həzm edə bilmir”.

Bunu jurnalistlərə açıqlamasında Finlandiyada yaşayan güney azərbaycanlı fəal Çingiz Göytürk deyib. Onun sözlərinə görə, İran Azərbaycanın zəifləməsi üçün dəridən-qabıqdan çıxır.

“Azərbaycan xüsusən 44 günlük Vətən müharibəsindən sonra reallaşdırılan layihələrlə dünyanın diqqətini cəlb edib. Bu da İranın get-gedə əhəmiyyətsizləşməsinə gətirib çıxarıb. Ona görə də bu layihələrin qarşısını almağa çalışır. Bunun üçün Azərbaycanın daxilində qurduğu terror ocaqları vasitəsilə təxribatlar törətməyə cəhd edir”, – deyə Çingiz Göytürk qeyd edib.