Pleyeri seçin:
Gürcüstanda Vəli bəy Yadigarova həsr olunmuş "Polkovnik" filminin təqdimatı keçirildi
Tbilisidə əslən Gürcüstandan olan, lakin Azərbaycan tarixində dərin iz qoymuş görkəmli hərbçi Vəli bəy Yadigarovun həyat və fəaliyyətinə həsr olunmuş "Polkovnik" sənədli filminin təqdimatı keçirilib. Tədbir, Azərbaycanın Mədəniyyət Nazirliyi və "Salnamə" sənədli filmlər studiyasının birgə əməkdaşlığı, habelə SOCAR-ın Gürcüstan nümayəndəliyi və yerli Azərbaycan diasporunun dəstəyi ilə baş tutub. Filmin təqdimatı, eyni zamanda, Azərbaycanın ictimai-siyasi xadimi, sabiq baş nazir Həsən Həsənovun 85 illik yubileyi çərçivəsində təşkil edilib. Azərbaycanın Gürcüstandakı səfiri Faiq Quliyev çıxışında filmin iki xalqı birləşdirən tarixi və mənəvi bağları əks etdirdiyini vurğulayıb. Filmin ideya müəllifi Həsən Həsənov isə əsas məqsədin gənc nəslə vətənpərvərlik ruhunu aşılamaq və milli şəxsiyyətlərin xatirəsini yaşatmaq olduğunu qeyd edib.
Kopyalandı
#Gürcüstan teqi istifadə olunub
Seçilmişlər
