Həkimlərdən spirtli içkilərlə bağlı çağırış | Nə qədər az içsəniz də...

Spirtli içkilərin müntəzəm istifadəsi, hətta normada olsa belə, orqanizmə böyük ziyan vurur.

Ekspertlərin fikrincə, alkoqol asılılıq yarada bilən zəhərli, psixoaktiv maddədir.

Onilliklər əvvəl Beynəlxalq Xərçəng Araşdırmaları Agentliyi onu 1-ci qrup kanserogen, yəni asbest, radiasiya və tütün də daxil olmaqla ən yüksək risk adlandırıb.

Yeni araşdırma göstərib ki, nə qədər az içsən belə, spirt yenə də orqanizmə zərər verir. İnsan nə qədər çox içirsə, nəticələri bir o qədər fəlakətlidir.

Alimlər 5 milyona yaxın insanın iştirak etdiyi 100-dən çox əvvəlki tədqiqatın nəticələrini təhlil ediblər. Sübut olunub ki, müntəzəm spirtli içki qəbulu hətta orta dozada olsa belə, ömrün müddətini kəskin şəkildə azaldır.

Həkimlər orqanizm sağlamlığı naminə alkoqoldan imtinanın vacibliyini qeyd ediblər. Onların sözlərinə görə, alkoqoldan uzaq durmaq yaddaşı qorumağa və demensiyanın qarşısını almağa kömək edir, həmçinin xərçəng və artıq çəkidən qoruyur.