Hidrometeoroloji proqnozlar bürosundan xəbərdarlıq | Hava haqqında məlumat

Martın 10-da Bakıda və Abşeron yarımadasında, o cümlədən bölgələrdə hava şəraitinin yağıntılı olacağı gözlənilir. Dağlıq və dağətəyi rayonlarda qar yağacaq. Ayrı-ayrı yerlərdə isə yağıntıların intensiv olacağı ehtimal olunur.

Bu barədə Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.

Martın 11-də Bakıda və Abşeron yarımadasında hava şəraiti dəyişkən buludlu, gün ərzində əsasən yağmursuz keçəcək. Gecə və səhər bəzi yerlərdə yağıntılı olacağı ehtimalı var. Şimal-qərb küləyi əsəcək.

Havanın temperaturu günorta saatlarında 7-9 dərəcə isti olacaq.

Azərbaycanın rayonlarında bəzi yerlərdə arabir yağıntılı olacağı, dağlıq ərazilərdə qar yağacağı gözlənilir. Səhər tədricən kəsiləcək, gündüz əksər rayonlarda əsasən yağmursuz keçəcək.

Havanın maksimal temperaturu Aran rayonlarında 9-14 dərəcə isti, dağlıq ərazilərdə isə 3 dərəcəyədək şaxta olacaq.

Gecə və səhər bəzi dağlıq ərazilərdə yolların buz bağlayacağı ehtimalı var.