İkiyə bölünən binada şagirdlər ölümlə üz-üzə qalıb

Cəlilabadın Kövüzbulaq kənd 1 saylı orta məktəbi hər an uça bilər. 1987-ci ildə tikilən təhsil ocağı ölüm saçır.

Valideynlər də təhsil ocağının hazırkı halından şikayətçidir: “Bu yaxınlarda məktəbin yarısı uçdu. Təhsil ocağının istilik sistemi, qapı-pəncərəsi yoxdur”.

Məktəbin zirzəmisi su ilə doludur. Təhsil müəssəsi daş panellərlə tikilib. O panellər də demək olar ki, hamısı bir-birindən ayrılıb. Hazırda bu məktəbdə 100-dən çox şagird təhsil alır.

Bir müddət əvvəl rəsmi qurumlar məktəb binasının yenisi ilə əvəz olunacağını bildirsələr də, vəziyyət hələ də dəyişilməz olaraq qalır.