İllərdir kanalizasiyası olmayan Dədə Qorqud sakinləri şikayət etdi

Suraxanı rayonu, Dədə Qorqud qəsəbəsinin sakinləri kanalizasiya problemindən əziyyət çəkirlər.

Onlar bildiriblər ki, sözügedən əraziyə su çəkilsə də, uzun illərdir kanalizasiya sistemi qurulmayıb.

“Burada hər bir şərait var, bircə kanalizasiya sistemi yoxdur, biabırçı gündədir. Yayda pis qoxudan həyətdə oturmaq olmur. Aidiyyəti qurumlara müraciət etmişik. 13 ildir çəkiləcək deyirlər, amma heç bir nəticə yoxdur. Ayrılan pullar hara gedir, bilinmir”, – qəsəbə sakini narazılığını bildirib.