İranda casus kimi həbs edilən Fəridin anası danışdı

İranda casus kimi həbs edilən Almaniyanın Yena Universitetinin tələbəsi Fərid Səfərlinin anası Dilarə Əsgərova Baku TV-yə danışıb.

O bildirib ki, martın 4-dən etibarən oğlundan xəbər ala bilməyib: “Mart ayında İrana gedərək orada vəkil tutdum. Polis idarələrinə getdikdə mənə bildirdilər ki, Fəridin adı həbs olunanların siyahısında yoxdur. Daha sonra məhkəməyə müraciət etdik. İyunun 1-də Azərbaycan Xarici İşlər Nazirliyindən mənə məlumat verildi ki, İran tərəfi onlara rəsmi cavab verib. Cavabda qeyd edilib ki, Fərid Səfərli İranda casusluq ittihamı ilə həbs edilib”.