İsmayıllıda iftar süfrəsi

Birlik və bərabərliyin nümayiş olunduğu mübarək Ramazan ayının son günündə İsmayıllı Rayon İcra Hakimiyyətinin təşkilatçılığı ilə keçirilən iftar süfrəsində rayonun bütün kəndlərindən qonaqlar gəlib.

İsmayıllıda yaşayan azsaylı xalqların nümayəndələrinin, din xadimlərinin, ağsaqqalların qatıldığı iftar süfrəsində Rayon İcra Hakimiyyətinin başçısı Nahid Bağırov da iştirak edib.

Paylaşmanın təbliğ olunduğu bu ayda bir araya toplanan müsəlmanlar oruclarını birgə açıblar. Sonda “Qurani-Kərim”dən ayələr oxunub, dualar edilib. Bu mübarək ayın fəzilətindən danışılıb.