İstifadə müddəti bitən şirniyyat məhsulları | Ekspertlər həyəcan təbili çaldı

Marketdən alınan şokoladdan qurd çıxıb. Bununla bağlı görüntülər sosial şəbəkədə yayılıb.

Bəzi marketlərdə çəkisinə görə qiyməti hesablanan şokoladların üzərində məhsulun son istifadə tarixi yazılmır.

Bəs bu məqamda vətəndaşların təhlükəsizliyi necə təmin olnur?

Satıcılar deyiblər ki, sözügedən məhsullar marketlərə topdan gəlir və paketlərdə qablaşdırılır. Paketlərin üzərində isə məhsulun istehsal və bitmə tarixi yazılır.

Qida eksperti bildirib ki, məhsulun istifadə müddəti ilə yanaşı, onun saxlanma şəraiti də önəmlidir. Çünki şokoladların tərkibindəki əlavə dadlandırıcı inqridentlər reaksiyaya girərək xoşagəlməz görüntüyə səbəb ola bilər. Eləcə də qənnadı məhsullarını alarkən onların qablaşdırılmasına da nəzarət edilməlidir.

“Açıq şəkildə satılan məhsullar təhlükə mənbəyidir. Məhsulun istehsal və son istifadə tarixi mütləq şəkildə üzərində qeyd olunmalıdır. Əksi təqdirdə həmin məhsuldan çəkinmək lazımdır”, – ekspert qeyd edib.