Justin Timberlake Bakıda | Tanınmış ulduzun konserti paytaxta canlanma gətirdi

“Forget Tomorrow” dünya turu çərçivəsində ilk dəfə Azərbaycana gələn pop ulduzu Castin Timberleyk Bakı Olimpiya Stadionunda konsert proqramı ilə çıxış edib.

Möhtəşəm şounun təşkil olunduğu günlərdə ölkəyə 25 min turistin səfər etdiyi bildirilir.

Turizm eksperti Ceyhun Aşurov hesab edir ki, bu cür tədbirlər ölkənin turizm potensialına müsbət təsir göstərir.

İqtisadçı Xalid Kərimli isə qeyd edib ki, böyük konsertlərin ölkədə təşkili bir neçə sektor üçün faydalıdır:

“Bu tədbirlərə gələn insanlar bir neçə gün ölkədə qalır, nəticədə iaşə, nəqliyyat və turizm xidmətləri sahəsində canlanma yaranır. Həmçinin bu tip tədbirlər ölkənin tanınmasına və potensial turistlərin marağının artmasına xidmət edir. Adətən belə konsertlərə kifayət qədər imkanlı şəxslər gəlir. Bu isə turizmin gələcək inkişafı üçün perspektiv yaradır. Belə tədbirlər ölkəyə həm birbaşa, həm dolayı, həm də uzunmüddətli fayda gətirə bilər”.