Pleyeri seçin:
Kimlər saxta yolla həkim olub? | Plastik cərrahın diqqətçəkən paylaşımı
Xəbərlərimizi Google-da izləyin
Yeniliklərdən dərhal xəbərdar olun
Xeyli vaxtdır ABŞ-yə köçən jurnalist Qənirə Ataşova Azərbaycanda plastik cərrah və kosmetoloq kimi fəaliyyət göstərən həkimlərlə bağlı paylaşımları ilə diqqət çəkib.
Jurnalist bir çox həkimin saxta yolla diplom aldığını və ya adi sertifikatlarla bu işlə məşğul olduqlarını iddia edib.
Q.Ataşova ötən gün “Saxta yolla plastik cərrahiyyə diplomu alanlar” başlıqlı siyahı paylaşıb.
“Azərbaycanın estetik cərrahiyyəsinin üzü... Səhiyyə Nazirliyinə 30 min manat verib bir gecədə ixtisas dəyişən həkimlərin siyahısı tərtib edilib. 2011-ci ildən sonra Azərbaycanda rezidentura təhsili tətbiq olunur.
Qanuna əsasən, rezidenturanı bitirməyənlər ixtisaslı həkim ola bilməz. Amma təqdim etdiyim siyahıdakı həkimlərin heç biri estetik cərrahiyyə üzrə rezidentura təhsili almayıb. Sual yaranır, bəs necə oldu ki, bu adamlar bir gecədə estetik cərrah oldular?”, – deyə Q.Ataşova paylaşımında yazıb.
Jurnalist eyni zamanda Səhiyyə Nazirliyini saxta diplom satmaqda ittiham edib:
“Səhiyyə Nazirliyinə düz 30 min manat ödəyib, “möcüzəvi şəkildə” ixtisas dəyişdirmək mümkündür. 30 min manata Nazirlik dövlətin möhür və imzasını belə “hədiyyə” edir. Nə deyək, məbləğ o qədər “ucuzdur” ki, insanın az qala ürəyi ağrıyır.
Bu möhtəşəm sertifikatın qiymətini niyə 500 min manat etməyiblər? Axı peşəkar fırıldaqlar daha bahalı olmalıdır, elə deyilmi? Əlbəttə, saxta cərrahlarımız da özlərini daha da inandırıcı göstərmək üçün xaricdə qısamüddətli kurslara qatılırlar. Təsəvvür edin, gedib bir-iki gün xaricdə “təhsil” alır, sonra isə böyük fəxrlə geri qayıdıb “Beynəlxalq sertifikatlı estetik cərrah” olduqlarını iddia edirlər”.
Kopyalandı
#Qənirə Ataşova teqi istifadə olunub
Seçilmişlər
