“Kimsə ölməsə, gəlib baxmayacaqlar” | Yasamalda sakinləri qorxu içində yaşamağa vadar edən məsələ
Yasamal rayonu, Həsən bəy Zərdabi küçəsi, 55 ünvanında binanın önündəki ağac yola doğru əyilib. Ağacın altından keçən qaz borusu isə vəziyyəti daha da təhlükəli edir.
Sakinlərin sözlərinə görə, problemlə bağlı aidiyyəti qurumlara müraciət etsələr də, məsələ həllini tapmayıb.
“70 ildir ki, burada yaşayıram. Mən ağacın altında ölməliyəm? Qorxudan evdə də otura bilmirik. Qurumların hamısına xəbər etmişik, amma heç biri gəlmir. Burada kimsə ölməsə, gəlib baxmayacaqlar”, ‒ onlardan biri söyləyib.
Məsələ ilə bağlı Dövlət Ekoloji Ekspertiza Agentliyindən bildirilib ki, qeyd olunan ünvandan Agentliyə hər hansı müraciət daxil olmayıb. Qanunvericiliyə əsasən, quruyan, xəstəliyə yoluxan, insanların həyatı üçün təhlükəli vəziyyətdə olan ağacların ərazidən kənarlaşdırılması üçün torpaq mülkiyyətçiləri Agentliyə müraciət etməlidirlər. Bunun əsasında mütəxəssislər sözügedən ağac və kollara baxış keçirirlər.
Bakı Şəhər Yaşıllaşdırma Təsərrüfatı Birliyindən isə qeyd olunub ki, ağacın müvafiq dövlət qurumu tərəfindən verilmiş götürülmə rəyi olmadığından kəsilməsi mümkün deyil.
#Yasamal rayonu teqi istifadə olunub
- “Partlayış oldu, evlərə...” | Sakinlər Yasamaldakı hadisədən nə danışdı? - Baku TV
- Hamı işdən gəlir, yer tapmaq olmur | Yasamal sakinlərinin parklanma problemi - Baku TV
- Bakıda yeraltı keçiddə eskalator qırıldı - Baku TV
- Sakinlər istiliyə görə binanın həyətində ocaq qaladılar | MTK binanı niyə təhvil vermir? - Baku TV
- "Nizami" metrosu ətrafındakı köhnə binalar sökülür
