Laçına köçən sakinlərin sevinci

Laçın rayonunun Zabux kəndinə növbəti köç karvanı yola salınıb.

Qaradağ rayonu, Lökbatan qəsəbəsində məcburi köçkünlər üçün inşa edilmiş “Qobu Park-3” yaşayış kompleksinin qarşısından 25 ailə (93 nəfər) Zabux kəndinə yola salınıb.

“Laçının Zabux kəndindən çıxanda mənim 28 yaşım var idi. İndi 61 yaşım olacaq. Mənimlə gedən oğlum o vaxt 6 aylıq idi, indi isə iki oğlu ilə Zabuxa qayıdır. Sevincimin həddi-hüdudu yoxdur”, – Laçın sakini deyib.

Xatırladaq ki, bu günə qədər Zabux kəndinə 121 ailə (475 nəfər) köçürülüb.