Limonun saysız-hesabsız faydaları | Saç tökülməsinə qarşı isə...

Limon yalnız dadı və faydaları ilə deyil, həm də ev işlərindəki praktiki istifadəsi ilə fərqlənir.

Limonun narıncı meyvələrə xas olan ətri sinir sistemini sakitləşdirir, stresi və narahatlığı aradan qaldırmağa kömək edir. Gecə yatağınızın yanına qoyulan limon ağır günün yorğunluğunu götürə bilər.

Limon ətri yalnız xoş təsir bağışlamır, həm də konsentrasiyanı və zehni fəaliyyəti artırır. Onun antibakterial xüsusiyyətləri otaq havasını təmizləməyə kömək edir, həm də mikrobların yayılmasının qarşısını alır.

Qarışqa, milçək və digər həşəratlar limonun kəskin ətrindən uzaq dayanır. Limon qabıqlarını və ya limonun içinə mixək qoyub istifadə etsəniz, kimyəvi dərmanlara ehtiyac olmadan həşəratları evinizdən uzaqlaşdıra bilərsiniz.

Limon suyu baş dərisinə tətbiq edildikdə kəpəyin yaranmasının və saç tökülməsinin qarşısını alır, saçlara təbii parıltı verir. Baş ağrılarını aradan qaldırmaq üçün də istifadə oluna bilər.

Bir sözlə, gündəlik həyatınıza limonu daxil edərək həm sağlamlığınıza, həm də evinizin təmizliyinə töhfə verə bilərsiniz.