Pleyeri seçin:
Məşhur şadlıq sarayında yoxlamalar aparıldı
Xəbərlərimizi Google-da izləyin
Yeniliklərdən dərhal xəbərdar olun
Qida Təhlükəsizliyi Agentliyinin əməkdaşları “Yeganə Palace” şadlıq sarayında istehlaka yararsız məhsullar aşkarlayıb.
Binəqədi rayon ərazisində yerləşən Təmkin Əliyevə məxsus şadlıq sarayında qurum tərəfindən keçirilmiş yoxlama zamanı müəssisədə müvafiq sənədləri olmayan, üzərində aşkar saxtakarlıq əlamətləri olan bir sıra spirtli içkilər aşkar edilib. Həmçinin mənşəyi məlum olmayan, görünüşündə qaralma və istehlaka yararsız balıq məhsulu, 250 kq ət, son istifadə tarixi bitmiş kartof məhsuluna da rast gəlinib.
Bundan əlavə, müəssisənin sanitar-texniki və sanitar-gigiyenik vəziyyətinin qənaətbəxş olmadığı, dondurucularda istifadə müddəti bitmiş məhsullarla istehlaka yararlı məhsulların bir arada saxlanıldığı, işçi heyətin ilkin və dövri tibbi müayinədən keçmədiyi müəyyən edilib. Qeyd olunan məhsullar dövriyyədən çıxarılıb.
Aşkarlanan nöqsanlarla bağlı müəssisə rəhbərliyi barəsində qanunvericiliyə uyğun müvafiq tədbirlər görülüb. Araşdırmalar davam etdirilir.
Kopyalandı
Seçilmişlər
