Millət vəkili: 2004-cü ildən indiyədək cəmi 8 cild çıxıb

“Təəssüflər olsun ki, Ensiklopediyanın cildlərinin çapı çox ləng gedir. 2004-cü ildən indiyə kimi cəmi 8 cild çapdan çıxıb”.

Bunu deputat Etibar Əliyev “Azərbaycan Respublikasının 2024-cü il dövlət büdcəsi haqqında” qanun layihəsinin müzakirəsi zamanı elm və təhsillə bağlı çıxış edərkən bildirib.

“Ensiklopediyanın cildlərinin satışının gəlir gətirməməsi xeyli suallar doğurur. Mən bu işi yaxşı bildiyimdən deyirəm. Dünyada elə ensiklopediyalar var ki, gəlirlərinin bir hissəsini dərsliklərin çapına yönəldirlər.

Kitab mağazalarında Ensiklopediyanın cildlərinin qalmasının əsas səbəbi təbliğat işinin zəif olması ilə bağlıdır. Qiymət və tiraj da aşağı deyil, hər cild 25 000 nüsxə çap olunur və hər bir cildin qiyməti 50 manatdır”, – o qeyd edib.