Millət vəkili: Təhsil Nazirliyimizdə planlaşdırma sıfırdır

“Hər bir millətin gələcəyi elm və təhsillə bağlıdır. Dövlət büdcəsi və Heydər Əliyev Fondunun xətti ilə ən müasir məktəblər tikilib, amma təhsilin keyfiyyəti aşağı düşdükcə cəmiyyətdə cəhalət, xurafat, radikalizm artır”.

Bunu millət vəkili Musa Qasımlı Milli Məclisdə çıxışında deyib. “Bir neçə il əvvəl Yardımlının Solqard kəndində tikilmiş ən müasir məktəb 2022-2023-cü tədris ilində bağlandı. Bu göstərir ki, Təhsil Nazirliyimizdə planlaşdırma, proqnozlaşdırma sıfır səviyyəsindədir. Bu, dövlətimizin düzgün müəyyənləşdirdiyi sosial siyasətin çox pis şəkildə yerinə yetirilməsinin nəticəsidir. Dövlətin büdcəsi havaya sovruldu. Bunu edən insanlar dövlətin qarşısında cavab verməlidir”, - deyə deputat qeyd edib.