Parklanma ilə bağlı sms xidməti pullu oldu | Sürücülər narazıdır

Parklanma ilə bağlı SMS xidməti pullu olub.

Belə ki, parkinq üçün SMS göndərəndə 10 qəpik xidmət haqqı tutulur.

Məsələ ilə bağlı Azərbaycan Yerüstü Nəqliyyat Agentliyinin mətbuat katibi Tural Orucov bildirib ki, parklanmaya görə ödənişləri SMS-lə yanaşı, “Azparking” mobil tətbiqi üzərindən etmək mümkündür. Ödəniş üsulu vətəndaşlar tərəfindən könüllü seçilir. SMS-lərin ödənişli olması ilə bağlı bildirilib ki, bu, mobil operatorlar tərəfindən tətbiq edilən komissiya haqqıdır, parklanmaya görə ödəniş deyil.

Qeyd edək ki, “Azparking” mobil tətbiqindən istifadəyə görə heç bir komissiya haqqı tutulmur.