Cəmiyyət
Pleyeri seçin:
Payız özünü göstərməyə başlayır | Dövlət Xidmətindən vacib məlumat
Oktyabrın 14-də Bakıda və Abşeron yarımadasında gün ərzində fasilələrlə yağış yağacağı gözlənilir.
Bu barədə Milli Hidrometeorologiya Xidmətindən məlumat verilib.
Bildirilib ki, gecə yarımadanın bəzi yerlərində qısamüddətli intensivləşəcəyi ehtimal olunur. Şimal-şərq küləyi üstünlük təşkil edəcək. Havanın maksimal temperaturu 18-21 dərəcə isti olacaq.
Bölgələrdə də yağıntılı hava şəraitinin davam edəcəyi gözlənilir. Bəzi yerlərdə şimşək çaxacaq. Ayrı-ayrı yerlərdə yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə isə qar yağacağı ehtimal olunur. Mülayim qərb küləyi əsəcək. Havanın maksimal temperaturu Aran rayonlarında 18-21, dağlıq ərazilərdə isə 8-13 dərəcə isti olacaq.
Kopyalandı
Seçilmişlər
