Plastik tullantıların emalı müəssisəsi sakinlər üçün ciddi təhlükəyə çevrilib - Baku TV
Xətai rayonunun Gəncə prospektində yaşayan sakinlərin sözlərinə görə, ərazidə toplanan plastik tullantılar təkrar emal məqsədilə əridilir.
Sakinlər bildirirlər ki, bu proses ətraf mühit üçün ciddi təhlükə yaradır. Yaranan kəskin qoxu və həşəratların artması onların gündəlik həyatına mənfi təsir göstərir.
Məsələni araşdırmaq məqsədilə Baku TV-nin çəkiliş qrupu sözügedən ərazidə olub.
“Bura həm rayonlardan, həm də Balaxanıdan zibil gətirilir. Plastik butulkalar açıq ərazidə saxlanılır. Havalar isti olanda üfunət qoxusu yayılır. Ərazidə həşəratların sayı da artıb”, – deyə sakinlərdən biri bildirib.
“Bura ikinci Balaxanıya çevrilib. Balaxanı heç belə deyil”, – deyə başqa bir sakin qeyd edib.
Məsələ ilə bağlı Ekologiya və Təbii Sərvətlər Nazirliyindən bildirilib ki, Xətai rayonu, Gəncə prospekti, 754 ünvanında plastik tullantıların emalı müəssisəsindən ətrafa iy-qoxunun yayılması ilə bağlı daxil olan şikayət araşdırılıb.
Bildirilib ki, “Polycycle” MMC-nin tabeliyində olan plastik tullantıların emalı müəssisəsinin fəaliyyəti zamanı ekoloji qanunvericiliyin tələblərinin pozulduğu müəyyən edilib.
Müəssisənin fəaliyyətinin məhdudlaşdırılması ilə bağlı qərar qəbul edilərək icra olunması üçün Xətai Rayon İcra Şöbəsinə göndərilib. Sonradan müəssisə tərəfindən nöqsanlar aradan qaldırılıb və fəaliyyət qanunvericiliyin tələblərinə uyğunlaşdırılıb.
#Xətai rayonu teqi istifadə olunub
- Bakıda çoxmənzilli yaşayış binasında yanğın baş verib | "6-cı mərtəbədə iki uşaq qalıb" - Baku TV
- Əkiz körpələr nədən öldü? | Faciənin yaranma səbəbləri nədir? - Baku TV
- "Hamısını kəsib-doğrayıblar, üstünü də torpaqla..." | "Ağ Şəhər” ərazisində nə baş verib? - Baku TV
- "Yaşamağa yerim yoxdur" | Sakinlərin şikayətinə niyə baxılmır? - Baku TV
- Xətai rayonunda ailə faciəsi | Məhkəmə hakiminin oğlu yoldaşını bıçaqladı - Baku TV
