Qızıl Xaç Azərbaycanın etimadından sui-istifadə edir

“Laçın” sərhəd-buraxılış məntəqəsi fəaliyyətə başladığı tarixdən Beynəlxalq Qırmızı Xaç Komitəsinə məxsus nəqliyyat vasitələrinin dövlət sərhədindən hərəkətinə lazımi şərait yaradılıb. Lakin təşkilat Azərbaycanın bu humanist addımından sui-istifadə edərək qanunsuz əməllərlə məşğul olub.

Azərbaycan beynəlxalq hüququn norma və prinsiplərinə sadiq qalaraq götürdüyü öhdəliklərə hər zaman riayət edib. Təəssüflər olsun ki, beynəlxalq təşkilat qeyri-qanuni fəaliyyətə imza atıb.

Millət vəkili Hikmət Babaoğlu bildirib ki, Azərbaycan tərəfi Qırmızı Xaç Cəmiyyətinə dəfələrlə Azərbaycandakı ofisləri vasitəsilə Qarabağda yaşayan ermənilərlə bağlı hər hansı humanitar fəaliyyət keçirməyi təklif etsə də, onlar bundan imtina ediblər: “Deməli, məqsəd başqadır. Məqsəd qaçaqmalçılıqla məşğul olmaqdır”.

Qeyd edək ki, Beynəlxalq Qırmızı Xaç Komitəsinin qanunsuz əməlinə görə, Cinayət Məcəlləsinin müvafiq maddələri ilə cinayət işi açılıb. Laçın dövlət sərhədində buraxılış məntəqəsindən keçid müvəqqəti olaraq dayandırılıb.