Qondarma xəstəliklərlə əsgərlikdən yayınanlar necə ifşa ediləcək?

Milli Məclisdə “Hərbi vəzifə və hərbi xidmət haqqında” qanuna dəyişiklik təklif edilib.

Dəyişikliyə əsasən, çağırışçılar bundan sonra 2 dəfə tibbi müayinədən keçəcəklər. Halbuki indiyə qədər müddətli həqiqi hərbi xidmətə çağırılan vətəndaşların tibbi müayinəsi 1 dəfə aparılırdı.

Bəs bu nəyi dəyişəcək və effekt verəcəkmi?

Hərbi həkimlər bu qənaətdədirlər ki, hərbi çağırışçılar üçün tibbi müayinənin bir dəfə aparılması düzgün diaqnozun qoyulması üçün kifayət etmir.

Qeyd edək ki, Prezident İlham Əliyevin 6 sentyabr 2023-cü il Fərmanına əsasən, müddətli həqiqi hərbi xidmətə çağırılan vətəndaşların yekun tibbi müayinəsini Əmək və Əhalinin Sosial Müdafiəsi Nazirliyi həyata keçirəcək və 2024-cü ildən icrası başlayacaq.

Səfərbərlik və Hərbi Xidmətə Çağırış üzrə Dövlət Xidmətindən bildirilib ki, bu yenilik hərbi çağırışçılar müəyyən yaşa çatdıqdan sonra onlara əlillik dərəcəsinin verilməsi prosesinə də öz müsbət töhfəsini verəcək.