"20 Yanvar" dairəsi istiqamətinə... | Paytaxtda hansı dəyişikliklər edildi? - Baku TV

“Bakı şəhəri və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı” çərçivəsində Tbilisi prospekti ilə Əbdülvahab Salamzadə küçələrinin kəsişməsində yol hərəkətinin təşkili üzrə dəyişikliklər edilib”.

Bunu Azərbaycan Yerüstü Nəqliyyat Agentliyinin (AYNA) Bakı Regional İdarəsinin müdiri Tərlan Səfərov bildirib.

O qeyd edib ki, dəyişikliklər çərçivəsində Tbilisi prospektində fiziki maneələr aradan qaldırılaraq Qələbə dairəsi istiqamətindən gələn nəqliyyat vasitələrinin “20 Yanvar” dairəsi və Ziya Bünyadov prospekti istiqamətində birbaşa hərəkəti təmin edilib:

“Əvvəllər həmin nəqliyyat vasitələri bu istiqamətlərə çatmaq üçün irəlidə yerləşən geri dönmə yerindən istifadə etməli olur və nəticədə, dörd hərəkət zolağını dəyişmək məcburiyyətində qalırdılar. Bu isə konflikt zonalarının yaranmasına, təhlükəsizlik səviyyəsinin azalmasına və nəqliyyat ləngimələrinə səbəb olurdu. Hazırda aparılmış dəyişikliklər isə bu problemlərin aradan qaldırılmasına və izafi yürüş məsafəsinin azalmasına imkan verir”.